Zestoa, Gipuzkoa · kooperatiba
Bidaia agentzia bat gara. Baina ez hori bakarrik.
Ikasbidaia baten kalitatea ez da garraioarekin eta hotelarekin bakarrik neurtzen. Horregatik sortu dugu Euskal Herrian figura berri bat: ikas bidaia agentzia.
Gure ibilbidea
Bizitako guztia da ezberdin egiten gaituena
Trepik
Europan zeharreko Interrail motxilero udalekua.
English Camps
Egonaldiak AEBn, Erresuma Batuan eta Irlandan.
Hezkuntza-programak
Agenda2030, orientazio akademikoa, kultura eta talentua.
Ikasbidaiak
Espainian eta Europan.
Ikuspegi globala eta elkarbizitzako esperientzien jakinduria garatzen egon gara etengabean.
Zein enpresa mota garen hobeto uler dezazuen:
MIPE eta Europako Kalitate Osoa
Kudeaketa-eredu horiekin lan egiten dugu, eta urtero balorazioetatik abiatuta hobetzen dugu.
Identitate ekintzailea eta berritzailea
Behar berriei erantzuteko ereduak sortzen ditugu, ikastetxeekin batera.
Lehen eskuko ezagutza
Helmugak eta hornitzaileak ezagutzen ditugu, eta etengabe hobetzen ditugu.
Horregatik diogu ikas bidaia agentzia espezializatua garela
Edozein agentziak bezala:
- Garraioa
- Ostatua
- Jarduerak eta sarrerak
- Aseguruak
- Erreserbak eta koordinazioa
Eta horrez gain, gurekin:
- Begirale-hezitzaile tituludunak, lidergotzan eta gatazken kudeaketan formatuak.
- Prozesu osoa euskaraz, lehen bileratik bidaiako azken dinamikaraino.
- Irakasle eta familien lana arintzen dugu: izen-ematea, ordainketak eta komunikazioa gure esku.
- Irakasleen koaderno digitala eta prestaketa-bilera, bidaian dena kontrolpean izateko: une bakoitzeko checklistak, irakasle berrientzat zein beteranoentzat.
- Ibilbide gamifikatuak eta talde-dinamikak, taldea batzeko eta turismo aktiboa egiteko.
- 24 orduko asistentzia eta aseguru premiumak, bidaia osoan lasai egoteko.
- Balorazioa ikasle, irakasle eta familiekin, hurrengo bidaia hobea izan dadin.
“Zestoak askorik ez duela diote, baina euskara asko du. Eta hori ez da gutxi.” Irakasle batek esan zigun behin, eta egia borobila da. Guk, egia esan, pozik jarraitzen dugu “Zestoako bidaia agentzia hori” izaten.
Turismoaren mundua oso erdalduna da. Zergatik ez dugu pixka bat euskaldundu?
Euskal sustraietatik gatoz. Zestoan sortu ginen, kooperatiba gisa, eta euskaraz bizi eta lan egiten dugu: bulegoan, begiraleekin eta bidaian bertan.
Horregatik egin daiteke gurekin prozesu osoa euskaraz, lehen bileratik bidaiako azken dinamikaraino. Eta gaztelaniaz nahiago duenak ere badu bere tokia: familiei bi hizkuntzetan helarazten diegu informazioa.
Zuen bidaia prestatzen hasiko gara?